70 लाखाच्या खरेदीतील लाभार्थी कोण?

पिंपरी – महापालिकेच्या यशवंतराव चव्हाण स्मृती रुग्णालयास (वायसीएमएच) आवश्‍यक असणाऱ्या औषध खरेदीच्या निविदा मागविण्यात आल्या. सन 2010-11 आणि 2011-12 या दोन वर्षे कालावधीसाठी औषध खरेदी करण्यात आली. या निविदेमध्ये 1 कोटी रक्कमेची औषधे खरेदीचे अंदाजपत्रक देण्यात आले. परंतु, प्रत्यक्षात भांडार विभागाने 1 कोटी 70 लाख इतक्‍या रक्कमेची औषधे खरेदी केल्याचे निदर्शनास आले आहे. त्यामुळे 70 लाख रुपये जादा औषध खरेदीचे लाभार्थी कोण? असा सवाल करदाते विचारत आहे. दरम्यान हे प्रकरण दडपण्यात आले होते. मात्र, स्थानिक निधी लेखापरिक्षण विभागाने केलेल्या लेखापरीक्षणात ही बाब उघड झाल्याने संबंधित तत्कालीन अधिकारी, कर्मचाऱ्यांपुढील अडचणी वाढल्या आहेत.