निधी न आल्यास स्मार्ट सिटी प्रकल्प सुरू करू नये

नागरी हक्क सुरक्षा समितीची आयुक्त श्रावण हर्डीकर यांच्याकडे मागणी

चौफेर न्यूज – स्मार्ट सिटी योजनेत पिंपरी-चिंचवड शहराचा समावेश होवून बराच कालावधी लोटला आहे, तरीही केंद्र व राज्य सरकारकडून अद्याप एक रुपयाचा ही निधी पालिकेला स्मार्ट सिटीसाठी मिळालेला नाही. यामुळे जोपर्यंत निधी येत नाही, तोपर्यंत प्रकल्पांचे काम सुरू करू नये, अशी मागणी नागरी हक्क सुरक्षा समितीने आयुक्‍त श्रावण हर्डीकर यांच्याकडे एका निवेदनाद्वारे केली आहे.