“इ’ क्षेत्रीय कार्यालयाच्या कामगारांची विभागणी

पिंपरी – महापालिकेच्या “इ’ क्षेत्रीय कार्यालयाच्या हद्दीत रस्ते व गटर्स साफसफाई करण्यासाठी नेमण्यात आलेल्या 529 कामगारांची विभागणी करून त्यातील 253 कामगारांना “क’ आणि “ह’ तर उर्वरीत 276 कामगारांची नेमणूक “इ’ क्षेत्रीय कार्यक्षेत्रातील साफसफाई कामासाठी केली आहे. याकरिता पूर्वीच्याच निविदा रक्कमेत हे काम नवीन ठेकेदारासोबत करार करून देण्यात आले आहे. याबाबत मांडलेल्या ऐनवेळच्या प्रस्तावाला स्थायी समितीने मान्यता दिली आहे.