औषध भांडार विभागात घडतयं काय?

पिंपरी – महापालिकेच्या वैद्यकीय औषध भांडार विभागातून दरवर्षी कोट्यवधी रुपयांची औषध व विविध उपकरणांची खरेदी करण्यात येते. त्याच भांडार विभागाचे मुख्य व्यवस्थापक गेल्या पाच महिन्यांपासून रजेवर आहेत. त्यांनी रजेवर असतानाच स्वेच्छानिवृत्तीचा अर्ज पाठविला आहे. परंतु, ते कोठे व कोणाच्या संपर्कात आहेत. याबाबत त्यांचे कुटुंबीयही काहीच सांगत नाहीत. त्यामुळे नेमकं काय घडलंय? अचानक रजा घेवून स्वेच्छानिवृत्ती मागतली आहे. याबाबत वैद्यकीय आणि पालिका प्रशासनाने कमालीची गोपनियता ठेवली आहे. याविषयी संबंधित अधिकारी माहिती देत नसल्याने वैद्यकीय भांडार विभागात नेमकं घडतय काय? याबाबत तर्कवितर्क लढवले जात आहेत.