निगडीपर्यंत मेट्रोसाठी शुक्रवारी पिंपरीत मानवी साखळी

पिंपरी -पुणे व पिंपरी चिंचवड शहरात मेट्रोचे आगमन होत आहे. आपल्या पिंपरी चिंचवड साठी ही अभिमानाची गोष्ट आहे. तसेच शहराकरीता सोयीची आहे व आपण सर्वांनी याचे स्वागत करायचे आहे. मात्र, पहिल्या टप्प्यामध्ये मेट्रोचा मार्ग पिंपरी पर्यंतच आहे. तीच मेट्रो पहिल्या टप्प्यातच निगडीपर्यंत होणे गरजेचे आहे. हीच मागणी शांततेच्या मार्गाने मांडण्यासाठी पिंपरी चिंचवड सिटीझन फोरम तर्फे पिंपरीत मानवी साखळीचे शुक्रवारी (दि.30) आयोजन करण्यात आले आहे.