मेट्रोसाठी पालिका जागा हस्तांतर करणार

पिंपरी – महापालिका हद्दीत महामेट्रो प्रकल्पाचे काम युध्द पातळीवर सुरू आहे. पिंपरी ते दापोडी या साडेसात किलो मीटर अंतर असून या हद्दीतील महापालिका ताब्यातील काही जागांची महामेट्रोला आवश्‍यकता आहे. याकरिता महामेट्रोचे अधिकारी व महापालिका अधिकाऱ्यांची नुकतीचआयुक्‍त कार्यालयात बैठक झाली. त्यात कोणकोणत्या जागा हस्तांतरण करण्यात येतील, यावर प्रदीर्घ चर्चा करण्यात आली. त्यानुसार महापालिकेने लवकरच महामेट्रोला जागा हस्तांतर करण्यास सकारात्मता दर्शवली आहे.