उपनगरातून सुटणार पहिली बस

पुणे महानगर परिवहन महामंडळाला (पीएमपी) डेड किलोमीटर वाढल्यामुळे मोठ्या प्रमाणावर नुकसान होत आहे. त्यामुळे हे डेड किमी घटविण्यासाठी गरज नसलेल्या ठिकाणाहून बस सोडणे आणि अनावश्यक ठिकाणी बस मुक्कामी पाठवणे, आदी प्रकारांना पीएमपी प्रशासनाकडून अटकाव करण्यात येणार आहे. अशा सर्व मार्गांचा व गाड्यांचा शोध घेऊन तब्बल १३० गाड्यांच्या सुटण्याच्या आणि मुक्कामाच्या ठिकाणांमध्ये बदल करण्यात आला आहे. यामध्ये स्वारगेटसह सर्वच डेपोंतील गाड्यांचा समावेश आहे.