महिलांनी दिली ‘तेजस्विनी’ला पसंती

पुणे महानगर परिवहन महामंडळाने (पीएमपी) महिलांसाठी सुरू केलेल्या विशेष बस सेवेला महिला प्रवाशांचा चांगला प्रतिसाद मिळत आहे. दररोज सकाळी व सायंकाळी गर्दीच्या वेळेला या बस गर्दीने भरून जात असून, इतर वेळीही प्रवासी भारमान सरासरी एवढे आहे. तेजस्विनी बसच्या आठ मार्गांवर दिवसभरात सुमारे २३४ खेपा होत आहेत. या सर्व बसना महिलांची गर्दी असते.