खोदाई अधिकच्या दरामुळे पिंपरीवासीय गॅस जोडणीपासून वंचित

महाराष्ट्र नॅचरल गॅॅस लि. कंपनीच्या (एमएनजीएल) वतीने पुणे, पिंपरी-चिंचवडसह आजूबाजूच्या गावांमध्ये घरगुती गॅस जोडणी दिली जाते. गॅस पाईपलाईन टाकण्यासाठी खोदाई करताना पुणे महापालिकेच्या तुलनेत पिंपरी-चिंचवड महापालिकेच्या खोदाईचे दर पाच पटपेक्षा अधिक असल्याची धक्‍कादायक माहिती समोर आली आहे. पिंपरी-चिंचवड महापालिका हद्दीत खोदाईचे दर अधिक असल्याने गॅस जोडणी देण्यासाठी विलंब होत असल्याचे एमएनजीएलचे म्हणणे आहे.