ठेकेदारांच्या निम्म्याच बस रस्त्यावर

पीएमपी अधिकाऱ्यांसह होणार बैठक; अध्यक्ष घेणार निर्णय

पुणे महानगर परिवहन महामंडळाच्या (पीएमपी) ताफ्यात समाविष्ट असलेल्या खासगी ठेकेदारांच्या एकूण बसपैकी केवळ ५० टक्के बस मार्गावर असल्याची धक्कादायक माहिती समोर आली आहे. त्यामुळे 'पीएमपी'च्या सेवेवर परिणाम झाल्या असून, दिवसाला पाच हजार फेऱ्या कमी होण्यामागेही हीच बाब कारणीभूत असल्याचे बोलले जात आहे. दरम्यान, खासगी ठेकेदारांच्या मनमानीला चाप लावण्यासाठी 'पीएमपी'चे तत्कालीन अध्यक्षांनी बजावलेल्या दंडाचा फेरविचार करण्याचा निर्णय घेण्यात आला आहे. 'पीएमपी'चे अधिकारी आणि ठेकेदारांचे प्रतिनिधी यांची एक समिती स्थापन करण्यात आली असून, या समितीच्या अहवालानंतर पीएमपी अध्यक्ष त्यावर अंतिम निर्णय घेणार आहेत.