…तर “त्या’ कर्मचाऱ्यांवर शिस्तभंग

– “झिरो पेन्डन्सी’ची अंमलबजावणी
– शासनाच्या आदेशानंतर महापालिकेला जाग

पिंपरी – लोकाभिमुख प्रशासनासाठी कारभारात “झिरो पेन्डनसी’ संकल्पना राबविण्याचे राज्य सरकारचे आदेश आल्यानंतर महापालिका प्रशासन आता खडबडून जागे झाले आहे. लोकप्रतिनिधी व नागरिकांच्या निवेदन व तक्रारींना केराची टोपली दाखविणाऱ्या अधिकारी व कर्मचाऱ्यांवर आता शिस्तभंगाची कारवाई करण्याचा इशारा महापालिका प्रशासनाने दिला आहे. त्यामुळे सर्वसामान्य नागरिकांपासून अगदी आमदार, खासदारांच्या निवेदनाची दखल घेणे संबंधित विभागाला क्रमप्राप्त झाले आहे.