सर्वसामान्य जनता सरकारला धडा शिकवेल – संजोग वाघिरे पाटील

इंधन दरवाढीविरोधात राष्ट्रवादी युवक काँग्रेस रस्त्यावर

चौफेर न्यूज –  केंद्रातील भाजपच्या चार वर्षाच्या सत्ताकाळात पेट्रोलीयम पदार्थांचे दर गगनाला भीडले आहेत. या दरवाढीमुळे सर्वसामान्य जनता होरपळून निघत असून सरकारला मात्र केवळ बघ्याच्या भूमिकेत आहे. पंतप्रधान नरेंद्र मोदी आणि भाजपने नागरिकांना ‘अच्छे दिन’चे स्वप्न दाखवून सत्ता मिळवली. परंतु चार वर्षातील भ्रष्ट कारभारामुळे नागरिकांचा भ्रम निरास झाला असून जनता योग्य वेळी त्‍यांना धडा शिकवेल. तसेच यापुढील काळात पेट्रोलीयम पदार्थांची दरवाढ कमी न केल्‍यास राष्ट्रवादी काँग्रेसच्या वतीने तीव्र आंदोलन छेडण्यात येईल, असा इशारा पिंपरी चिंचवड राष्ट्रवादी जिल्‍हा शहर काँग्रेसचे अध्यक्ष संजोग वाघिरे पाटील यांनी शनिवारी चिंचवड येथे दिला.