शहर भाजपला आत्मपरीक्षणाची गरज

देशात, राज्यात भाजपवाल्यांना अच्छे दिन आहेत; परंतु पिंपरी-चिंचवडमधील भारतीय जनता पार्टीतील गटातटामुळे पक्षाच्या प्रतिमेबाबत ‘बुरे दिन’ सुरू असल्याची चर्चा पक्षातच आहे. केंद्रात आणि राज्यात सत्तेवर असणार्‍या पक्षाच्या विरोधातच पक्षातील पदाधिकारी आणि कार्यकर्त्यांनी उपसलेले उपोषणाचे हत्यार आणि सत्ताधारी नगरसेवकाने पक्षापासून सोडचिठ्ठी घेण्याचा घेतलेला निर्णय याबाबत शहर पक्षसंघटनेला आत्मपरीक्षण करण्याची वेळ असल्याचे पक्षांतर्गतच कुजबूज सुरू झाली आहे.