पालखी सोहळय़ांना देणाऱ्या भेटवस्तूंची पिंपरीत अधिकारी, पदाधिकाऱ्यांना धास्ती

पिंपरी पालिकेच्या वतीने पालखी सोहळय़ांना देण्यात येणाऱ्या भेटवस्तूंची यंदा अधिकारी व पदाधिकाऱ्यांनी भलतीच धास्ती घेतली आहे. राष्ट्रवादीची सत्ता असताना विठ्ठलमूर्ती खरेदीवरून तर भाजपच्या हातात सूत्रे आल्यानंतर सतरंजी खरेदीतील गैरव्यवहारावरून झालेल्या गंभीर आरोपांमुळे या वर्षी भेटवस्तू खरेदी न करण्याचा निर्णय घेण्यात आला. मात्र, लागलीच संभाव्य टीकेच्या भीतीने भेटवस्तू खरेदी केली पाहिजे, असा दुसरा विचारही पुढे आल्याने यावरून खल सुरू आहे.