मॉल-मल्टिप्लेक्समध्ये पार्किंग शुल्क नको

मॉल, मल्टिप्लेक्स तसेच हॉस्पिटलमध्ये सर्वसामान्य नागरिकांना पार्किंग शुल्क आकारण्यात येऊ नये, अशी भूमिका शहर सुधारणा समितीने घेतली आहे. त्यासाठी महापालिका प्रशासनाने स्वतंत्र धोरण तयार करून ते समितीपुढे सादर करावे, अशा सूचना शुक्रवारी झालेल्या बैठकीत घेण्यात आली आहे. सध्या शहरातील ३५ मॉल-मल्टिप्लेक्सपैकी १२ ठिकाणी पार्किंग शुल्क आकारण्यात येत नाही. पार्किंग शुल्काच्या माध्यमातून नागरिकांची लाखो रुपयांची लूट होत असल्याने ती टाळण्यासाठी धोरण तयार करण्याचा निर्णय घेण्यात आला असल्याचा दावा शहर सुधारणा समितीने केला आहे.