पोलीस आयुक्‍तालयासाठी आम्हाला वाऱ्यावर सोडू नका!

पिंपरी – चिंचवड प्रेमलोक पार्क येथील महापालिकेच्या महात्मा फुले शाळेच्या इमारतीतीत पोलीस आयुक्तालय करण्यास पालकांनी विरोध दर्शविला आहे. शाळा स्थलांतर करण्याचा निर्णय त्वरीत रद्द करावा, या मागणीसाठी पालकांसह विद्यार्थ्यांनी आज (सोमवारी) महापालिका मुख्यालयासमोर निदर्शने केली. पोलीस आयुक्तालयासाठी महापालिकेने विद्यार्थ्यांना वाऱ्यावर सोडू नये, अशी संतप्त प्रतिक्रिया आंदोलक पालकांनी दिली.