काळेवाडीत शाळेसह नागरिकांचा केला रस्ता बंद; मच्छिंद्र तापकीर यांचा आत्मदहनाचा इशारा

पिंपरी (Pclive7.com):- काळेवाडी येथील शिवतेज क्रीडा मंडळ व शिक्षण संस्थेच्या कै.भाऊसाहेब तापकीर प्राथमिक विद्यामंदीरसह येथील नागरिकांचा रस्ता बंद करण्यात आला आहे. हा रस्ता बंद करण्यात अाल्याने हजारो विद्यार्थ्यांसह, नागरिकांना नाहक त्रास सहन करावा लागणार आहे. म्हणूनच विद्यार्थ्यांचे शैक्षणिक नुकसान करणार्यांवर कारवाई करून तातडीने हा रस्ता खुला करण्यात यावा, अन्यथा पिंपरी चिंचवड महापालिका भवनासमोर आत्मदहन करणार असल्याचा इशारा संस्थेचे संस्थापक अध्यक्ष मच्छिंद्र तापकीर यांनी दिला आहे.