पिंपरी रोजगार कार्यालयाला मिळेना पूर्णवेळ अधिकारी

पिंपरीतील रोजगार व स्वयंरोजगार कार्यालयातील मार्गदर्शन अधिकारी हे पद दोन वर्षांपासून रिक्‍त आहे. सध्या विजय कानिटकर यांच्याकडे अतिरिक्‍त कार्यभार आहे; मात्र ते पुण्यातील रास्ता पेठ येथील कार्यालयात असतात. त्यामुळे पिंपरीतील कार्यालयात येणार्‍या विद्यार्थ्यांना लिपिकांद्वारे मार्गदर्शन केले जात आहे. त्यामुळे रोजगार व स्वयंरोजगार कार्यालयाचा कारभार कारभार्‍याविनाच सुरु असून शासनाचे त्याकडे दुर्लक्ष असल्याचे चित्र दिसून येत आहे.