एमआयडीसीतील माफियाराज मोडण्याची गरज

उद्योगनगरी पिंपरी-चिंचवडमधील १८०० लहान-मोठ्या कंपन्या एमआयडीसी भोसरी पोलिस ठाण्याच्या परिसरात येतात. एक मे २०१२ मध्ये भोसरी पोलिस ठाण्याचे विभाजन करून एमआयडीसी भोसरी पोलिस ठाण्याची निर्मिती करण्यात आली आहे. प्रस्तावित औद्योगिक प्रदर्शन केंद्र, नव्या विकसित होत असलेल्या मोशी स्पाईनरोड तसेच मोशीगावठाण आणि पाच झोपडपट्ट्या, मध्यमवर्गीयांची घरे असलेल्या शाहूनगरचा काही परिसर आणि पिंपरी एमआयडीसीतील एच ब्लॉक, मोशी टोलनाका, मोशी आळंदी रस्ता, नाशिकरोडचा काही भाग, देशातील 'नारी' ही एकमेव संशोधन संस्था आदींचा समावेश असलेले एमआयडीसी पोलिस ठाणे १२ ऑगस्ट २०१७ पासून स्वतःच्या नव्या प्रशस्त इमारतीत स्पाईनरोडवर सुरू झाले आहे.