गुगलवर बस फेऱ्यांची माहिती

पुणे : स्टॉपवर पोहोचल्यानंतर पुणे महानगर परिवहन महामंडळाची (पीएमपी) बस किती वेळात येणार? प्रवाशांना किती वेळ प्रतीक्षा करावी लागणार? एखाद्या स्टॉपवरून कोणत्या मार्गाच्या बस धावतात ? त्यांचे वेळापत्रक कसे आहे, आदी सर्व प्रश्नांची उत्तरे प्रवाशांना एका क्लिकवर मिळत आहेत. प्रवासी बस स्टॉपवर पोहोचताच त्यांच्या मोबाइलवर 'गुगल मॅप'कडून बस स्टॉपचे नाव आणि तेथून जाणाऱ्या सर्व बसच्या माहितीचे नोटिफिकेशन प्राप्त होत आहे. त्यासाठी, प्रवाशांच्या किंवा सामान्य नागरिकांच्या मोबाइलचे 'गुगल लोकेशन' किंवा 'जीपीएस' सुरू असणे आवश्यक आहे.