मुळा-मुठेतून जलप्रवास?

नद्यांच्या संवर्धनासाठी पालिका घालणार केंद्राला साकडे

पुणे आणि पिंपरी-चिंचवड शहरामधून वाहणाऱ्या मुळा-मुठा नद्यांचा विकास आणि संवर्धन प्रकल्पासाठी केंद्र सरकारला साकडे घालण्याचा निर्णय महापालिकेने घेतला आहे. त्यानुसार मुळा-मुठा नदीतून जलप्रवास करण्यासाठीचा प्रस्ताव तयार करण्याच्या सूचना योजनेच्या सल्लागाराला करण्यात आल्या आहेत. नद्यांमधील काही टप्प्यांमध्ये प्रवास करणे शक्य असेल तर, तसाही प्रस्ताव तयार करण्यात येणार आहे.