निगडी-दापोडी बीआरटी मार्गाची पुन्हा चाचणी

पिंपरी - निगडी-दापोडी रस्त्यावरील बीआरटी बसमार्ग सुरू करण्याबाबत मुंबई उच्च न्यायालयात दाखल झालेल्या जनहित याचिकेवर येत्या गुरुवारी (ता. २) अंतिम सुनावणी होणार आहे. बीआरटी बससेवा सुरू झाल्यास, सुमारे सव्वा लाख प्रवाशांना शहरातून या मार्गावरून वेगाने ये-जा करता येईल. सेवा रस्त्यावरील बसगाड्यांच्या फेऱ्या कमी झाल्यामुळे तेथील वाहतूक कोंडीही काही प्रमाणात कमी होण्याची शक्‍यता आहे.