झाडांवर फलक, खिळे ठोकल्यास गुन्हा दाखल होणार

पिंपरी-चिंचवड शहरात झाड्यांवर खिळे ठोकून फलक व पोस्टर लावले जातात. तसेच पोस्टर, भिंतीपत्रे व जाहिराती लावल्या जातात. त्यामुळे शहराच्या सौदर्यास बाधा पोहचत असून विद्रुपीकरण वाढत आहे. त्यामुळे पालिका अशा प्रकारे फलक व पोस्टर लावण्यावर गुन्हे दाखल करणार आहे. येत्या तीन दिवसांमध्ये हे फलक, पोस्टर व जाहिराती काढून घेण्याचे आवाहन पालिकेने केले आहे.