पिंपरी-चिंचवड: रूग्णालयात बर्थ डे सेलिब्रेशन, ४० युवकांनी घातला गोंधळ

महाविद्यालयात, उद्यानात, मुख्य रस्त्यावर साजरा होणाऱ्या वाढदिवसाचे लोण आता थेट रुग्णालयात पोहोचले आहे. रूग्णांचा विचार न करता मित्राला सरप्राइज देण्यासाठी तब्बल ४० युवकांनी रूग्णालय परिसरात गोंधळ घालत वाढदिवस साजरा केला. ही घटना पिंपरी-चिंचवड महानगरपालिकेच्या वायसीएम रुग्णालयात घडली. युवकांनी घातलेल्या गोंधळामुळे रुग्णांमध्ये भीतीचे वातावरण होते. ही घटना रविवारी रात्री नऊच्या सुमारास घडली असून सर्व प्रकार सीसीटीव्हीत कैद झाला आहे.