असंवेदनशील रुग्णालय अन्‌ हतबल नातेवाईक

पिंपरी : ह्रदयविकाराचा झटका आलेल्या मजुरास खासगी रुग्णालयात नेताना मृत्यू झाला. मात्र आम्ही रुग्णावर उपचार केले असून त्याचे बिल भरल्याशिवाय मृतदेह ताब्यात देणार नसल्याचे सांगितले. मृतदेह ताब्यात द्यावा यासाठी रुग्णालय प्रशासनाशी गयावया करताना त्याची पत्नी बेशुद्ध पडली. तरीही रुग्णालयास आपल्या भूमिकेवर ठाम राहिले. अखेर त्याच्या मित्र मजुरांनी पैसे जमा करीत दीड हजार रुपये जमविल्यावर रुग्णालयाने मृतदेह ताब्यात दिला. या घटनेतून रुग्णालयाची असंवेदनशीलता पुन्हा एकदा समोर आली आहे.