’पार्किंग पॉलिसी’ विरोधात पालिकेसमोर आंदोलन

 विविध सामाजिक संघटनांचा सहभाग

पिंपरी-चिंचवड :  महापालिकेतील सत्ताधार्‍यांनी शहरवासियांवार लादलेली ‘पार्किंग पॉलिसी’ जाचक असल्याचा आरोप करत शहरातील विविध सामाजिक संघटनांनी शुक्रवारी पालिका मुख्यालयासमोर आंदोलन केले. महापालिकेची जुलै महिन्याची सर्वसाधरण सभा आज आहे. त्या पार्श्‍वभूमीवर ग्राहक हक्क संघर्ष समिती, रिपब्लिकन संघटना, लोकशाहीर संघटना यांच्यासह विविध संघटना या आंदोलनात सहभागी झाल्या होत्या. धम्मराज साळवे, अमोल उबाळे, अंजली गायकवाड, सतिश कदम, दिपक खैरणार, अजय लोंढे सहभागी झाले होते.