आयटी पार्कचा तिढा सुटेना!

हिंजवडी आयटी पार्कपर्यंत सुस्साट पोहोचण्याचे आयटीयन्सचे स्वप्न अजूनही दृष्टीक्षेपात येण्याची चिन्हे नाहीत. आयटी पार्कमधील वाहतुकीच्या समस्येत सातत्याने वाढच होत असून, पावसाच्या आगमनानंतर या भागातील विविध ठिकाणी सुरू असलेल्या रस्त्या रुंदीकरणास खीळ बसल्याने आयटीयन्सला ऑफिसला जाण्यासाठी लागणाऱ्या वेळेत वाढ झाल्याचे चित्र आहे. 'मटा'ने यासंदर्भात पाहणी केली असता अनेक आयटी कर्मचाऱ्यांनी त्यांना ऑफिसला जाण्यास लागत असलेल्या तासन्‌तास उशिराचा पाढाच वाचला.