अतिरिक्त हस्तांतर शुल्कवसुलीला चाप

पंचवीस हजारांपर्यंत आकारणीचे सहकार आयुक्तांचे आदेश

फ्लॅट अथवा गाळ्यांची विक्री करताना अव्वाच्या सव्वा हस्तांतर शुल्क (प्रीमियम) आकारणाऱ्या सोसायटीच्या पदाधिकाऱ्यांविरोधात कठोर कारवाई करण्याचे आदेश सहकार आयुक्त डॉ. विजय झाडे यांनी दिले आहेत. महाराष्ट्र सहकारी संस्था कायद्यानुसार जास्तीत जास्त २५ हजार रुपयांपर्यंत हस्तांतर शुल्क आकारता येणार आहे, असेही या आदेशात स्पष्ट करण्यात आले आहे. त्यामुळे फ्लॅटची खरेदी-विक्री करणाऱ्यांकडून मनमानी पद्धतीने शुल्क आकारणी करणाऱ्या सोसायट्यांना चाप लागणार आहे.