वाहतूक नियमभंगाचे २५ हजार जणांवर गुन्हे

पिंपरी : वाहतूक नियमांचा भंग करणाऱ्या तब्बल २५ हजार वाहनचालकांवर खटले दाखल करण्यात आले आहेत, तर राँग साइडने जाणाऱ्या ६३५ जणांवर गुन्हे दाखल करण्यात आले आहेत. येत्या आठवड्यापासून वाहनचालकांच्या घरी जाऊन दंड वसूल करण्यात येणार आहे. पिंपरी-चिंचवड पोलिस आयुक्त आर. के. पद्मनाभन यांनी दिलेल्या आदेशानंतर अवघ्या महिनाभरात ही कारवाई करण्यात आली आहे.