भाजप वैद्यकीय आघाडीच्या अध्यक्षपदी डॉ. प्रदीप ननावरे

नवी सांगवी (पुणे) : पिंपरी चिंचवड शहर भारतीय जनता पक्ष वैद्यकीय आघाडीच्या अध्यक्षपदी पिंपळे गुरव येथील डॉ. प्रदीप ननावरे यांची निवड करण्यात आली आहे. भाजपा शहराध्यक्ष आमदार लक्ष्मण जगताप यांनी नुकतेच याबाबतचे पत्र डॉ. ननावरे यांना दिले आहे. सांगवी पिंपळे गुरव डॉक्टर्स असोशिएशनच्या माध्यमातून डॉ ननावरे यांनी अनेक सामाजिक उपक्रम राबविले आहेत. त्यात वैद्यकीय तपासणी व उपचार, पोलिस दलाची आरोग्य तपासणी, अनाथालयातील मुलांना औषधोपचार, सैनिकांच्या कार्याचा गौरव म्हणून त्यांच्याकरीता विविध उपक्रम राबविणे व वृक्षारोपणासारख्या कार्यक्रमातून पर्यावरण संवर्धनासारखे उपक्रम राबविले आहेत.