‘जीएसटी’ची बनवाबनवी

पिंपरी - दुकानात आलेल्या ग्राहकाकडून वस्तूच्या मूळ किमतीसह जीएसटीची रक्कम वसूल करायची. त्याची रीतसर पावती द्यायची. मात्र, त्यावरील जीएसटी नोंदणी क्रमांक बनावट टाकायचा. व्यापाऱ्यांची ही बनवाबनवी महापालिकेच्या नागरवस्ती विकास विभागामुळे उघडकीस आली. त्यांच्या महिला व बालकल्याण योजनेअंतर्गत शिलाई मशिन खरेदीच्या तब्बल १४७ पावत्यांवरील जीएसटीचा नोंदणी क्रमांक बनावट असल्याचा धक्कादायक प्रकार घडला आहे.