आयुक्तांवर सल्लागारांचे प्रवक्ते असल्याचा आरोप

'पिंपरी-चिंचवड महापालिकेचे आयुक्त श्रावण हर्डीकर यांचा एककलमी कारभार सुरू आहे. सल्लागारांनी उत्तरे देणे अपेक्षित असताना भाजपचे प्रवक्ते असलेले आयुक्त हर्डीकरच उत्तरे देतात. मी कसा सल्लागारांच्या बाजूने आहे, असे ते दाखवत असून ते आयुक्त न राहता सल्लागारांचे प्रवक्ते झाले आहेत, ' असा आरोप शिवसेनेचे गटनेते राहुल कलाटे यांनी केला. तसेच, 'आयुक्त हे शहरवासीयांना भाजपप्रमाणे विकासाचे गाजर दाखवत आहेत,' असेही ते म्हणाले.