शहरबात : अतिक्रमणमुक्तीसाठी पोलिसांचा पुढाकार

पिंपरी-चिंचवड शहरात अतिक्रमणांचा सुळसुळाट झाला असताना महापालिकेची यंत्रणा हतबल झाली आहे. राजकीय दबाव व हप्तेखोरी हे त्याचे प्रमुख कारण आहे. अशा परिस्थितीत, शहराचे पहिले पोलीस आयुक्त आर. के. पद्मनाभन यांनी हिंजवडीपासून अतिक्रमणे काढण्याचा धडाका सुरू केला आहे. भोसरी, निगडी या भागात अतिक्रमण करणारे, पथारीवाले पोलिसांनी पिटाळून लावले आहेत. कारवाईचा हा धडाका कायम राहिल्यास शहरात अतिक्रमणांची समस्या राहणार नाही.