पोलीस हप्ते घेण्यात दंग; नगरसेवकांचा हल्लाबोल

शहरात कायदा सुव्यवस्थेचे धिंडवडे : मुली, महिलांवरील अत्याचाराच्या घटनांमध्ये वाढ

सर्वसाधारण सभेत निषेध; पोलीस आयुक्तांना महापालिकेत पाचारण करण्याची मागणी

पिंपरी-चिंचवड : शहरात कायदा सुव्यवस्थेचे धिंडवडे निघाले आहेत. मुली, महिलांवरील अत्याचाराच्या घटनांमध्ये वाढ झाली आहे. ज्येष्ठ नागरिक, लहान मुले, तरुणी सर्वच असुरक्षित आहेत. सोनसाखळी हिसकावणे, मोबाईल चोरी, भुरट्या चोर्‍यांचा कहर झाला आहे. पोलीस ठणे, चौक्या हप्ते वसुलीचे ठिकाणे झाली आहेत. पोलिसांचा उतमात वाढला असून तक्रारकर्ते, पीडितांनाही दाद देत नाही त्यांच्यावरच कायद्याचा दंडुका उगारला जातो, अशा संतप्त शब्दात सत्ताधारी भाजपसह सर्वपक्षीय नगरसेकानी पोलिसांच्या कार्यपद्धतीवर गुरुवारी टीकेची झोड उठवली.