सव्वाशे अनधिकृत होर्डिंग हटवून 25 जणांवर गुन्हा

पिंपरी – पुण्यातील जुना बाजाराजवळ होर्डींग पडल्याची दुर्घटना घडल्यानंतर अनधिकृत होर्डिंगचा मुद्दा चर्चेत आला आहे. त्या पार्श्वभूमीवर पिंपरी- चिंचवड महापालिकेतर्फे अनधिकृत होर्डिंगवर जोमाने कारवाई करण्यात येत आहे. त्यानुसार काळेवाडी येथे बीआरटीएस मार्गालगतचे होर्डिंग मंगळवारी हटविण्यात आले. होर्डिंगचे उंचचउचं सांगाडे हटविण्यासाठी महाकाय क्रेनला पाचारण करण्यात आले होते. महापालिकेने आतपर्यंत सव्वाशे होर्डिंगवर कारवाई केली आहे. या प्रकरणी 25 जणांवर गुन्हाही नोंद करण्यात आला आहे. या कारवाईमुळे अनधिकृत होर्डिंग व्यावयिकांचे धाबे दणाणले आहे.