भत्त्याचे अडीच लाख जमा करा

पिंपरी – पिंपरी-चिंचवड महापालिकेचे भाजप नगरसेवक कुंदन गायकवाड यांचे नगरसेवक पद रद्द झाल्यावर शिक्कामोर्तब झाले आहे. कायदा सल्लागार चंद्रकांत इंदलकर यांनी तसा अभिप्राय महापालिका आयुक्‍त कार्यालयाला सादर केला आहे. याशिवाय आतापर्यंत मासिक मानधन आणि सभांचा उपस्थिती भत्ता असे एकूण दोन लाख 54 हजार 968 रुपये महापालिकेत जमा करा, अशी नोटीस नगरसचिव कार्यालयाने कुंदन गायकवाड यांना बजावली आहे. त्यामुळे आमदार महेश लांडगे गटाला धक्का बसला आहे.