...अन बीआरटी दरवाजा उघडा ठेवत धावली पीएमपीएल

प्रवाशांच्या सुरक्षिततेचा टेंबा मिरवणार्‍या पुणे महानगर परिवहन महामंडळाच्या (पीएमपीएल) चालक आणि वाहकाचा गलथानपणा उघड झाला आहे. नरवीर तानाजी वाडी डेपोच्या बसचा अचानक बीआरटी दरवाजा उघडूनही बस तशीच चालवल्याची घटना घडली आहे. प्रवाशांनी दरवाजा बंद करण्याच्या सुचनेनंतरही चालक आणि वाहकाने दुर्लक्ष करत बस पुढे मार्गस्थ केली. त्यामुळे प्रवाशांनी धोकेदायक पद्धतीने वाहतूक करणार्‍या चालक आणि वाहकावर कारवाई करण्याची मागणी केली.