ग्लॅमॉन मिस इंडिया स्पर्धेत हिंजवडीची श्रावणी ‘बेस्ट’

पिंपरी-चिंचवड : येथील श्रावणी नियोगी हिने ‘ग्लॅमॉन मिस इंडिया 2018’ स्पर्धेच्या अंमित फेरीत धडक मारून ‘मिस बेस्ट टॅलेंट’ हा किताब पटकावला. दिल्ली येथे झालेल्या या स्पर्धेत देशभरातील 25 राज्यातील एक हजार स्पर्धक सहभागी झाले होते. अंतिम फेरीत 35 स्पर्धक पोहोचले होते. यामधून निवडलेल्या पाच युवतींमध्ये तिचा समावेश होता. ग्लॅमॉन इंडियाने ही स्पर्धा आयोजित केली होती. अंतिम फेरीवेळी अभिनेत्री रविना टंडन, अभिनेता अमन वर्मा, नितू शिवपुरी व अमिता नांगिया उपस्थित होते.