कचराप्रश्‍नी भाजपचे पितळ उघडे

पिंपरी – शहरातील कचरा समस्या सुटावी, अशी आमची मनापासून इच्छा आहे. मात्र, अवलोकनाच्या विषयाला चुकीच्या पद्धतीने विसंगत असलेली 570 कोटीच्या खर्चाची उपसूचना सत्ताधारी भाजपने दिली. पीठासन अधिकारी असलेले महापौर व आयुक्तांना देखील ही उपसूचना समजली नाही. राष्ट्रवादीच्या विरोधानंतर प्रति टन 230 रूपये दर कमी करण्यात आला आहे. आता सभागृह नेते एकनाथ पवार यांना भ्रष्टाचाराचे आणखी कोणते पुरावे हवे आहेत? असा प्रश्‍न विरोधी पक्षनेते दत्ता साने यांनी केला आहे. बुधवारी (दि. 3) ते पत्रकारांशी बोलत होते.