अण्णासाहेब मगर सोशल-स्पोर्ट्स फाउंडेशनतर्फे विविध क्षेत्रातील गुणवंतांचा गौरव

पिंपरी : अण्णासाहेब मगर सोशल-स्पोर्ट्स फाउंडेशनतर्फे विविध क्षेत्रात उल्लेखनीय कार्य करणा-या गुणवंतांचा पुरस्कार देऊन गौरव करण्यात येणार आहे. हा पुरस्कार वितरण सोहळा रविवार (दि. 18) रोजी सकाळी अकरा वाजता कामगार कल्याण मैदान, भोईर नगर येथे होणार आहे. सिनेअभिनेते मकरंद अनांसपुरे आणि हास्य सम्राट दीपक देशपांडे यांच्या हस्ते हे पुरस्कार प्रदान करण्यात येणार आहेत, अशी माहिती फाउंडेशनचे संस्थापक अध्यक्ष गुलाब बिरदवडे यांनी दिली.