मेट्रो करणार ‘थर्ड पार्टी ऑडिट’

पुणे - मेट्रो प्रकल्पात नाशिक फाट्याजवळ नुकताच झालेला अपघात हा कर्मचाऱ्याच्या चुकीमुळे झाल्याचे उघड झाले आहे. त्यामुळे संबंधित पायलिंग रिग चालकाला कामावरून काढून टाकण्यात आले असून, कंत्राटदाराला दंड ठोठावला आहे, अशी माहिती महामेट्रोकडून गुरुवारी देण्यात आली. तसेच, मेट्रो प्रकल्पातील कामांची सुरक्षिततेचा आढावा घेण्यासाठी एका त्रयस्थ संस्थेकडून सुरक्षिततेचा अभ्यास (थर्ड पार्टी ऑडिट) करून घेणार असल्याचेही स्पष्ट करण्यात आले.