रहाटणी पिंपळे सौदागर स्मार्ट सिटीसाठी 344 कोटींची मंजूरी

पिंपळे सौदागर- आमदार लक्ष्मण जगताप यांच्या मार्गदर्शनाखाली नगरसेवक शत्रुघ्न काटे यांच्या प्रयत्नातून रहाटणी पिंपळे सौदागर स्मार्ट सिटीसाठी 344 कोटी रुपयांचा निधी मंजूर करून घेण्यात यश आले आहे. पिंपळे सौदागरयेथे नगरसेवक शत्रुघ्न काटे यांच्यावतीने स्मार्ट सिटी प्रोजेक्टचे सादरीकरण हॉटेल गोविंद गार्डन येथे करण्यात आले होते. यावेळी पिंपरी चिंचवड महानगरपालिकेचे आयुक्त श्रावण हार्दीकर यांनी स्मार्ट सिटी काय आहे ती कशी असणार आहे याचे तब्बल दीड तास व्हिडिओ क्लिपद्वारे सादरीकरण केले होते आणि स्मार्ट सिटी संदर्भात नागरिकांशीसंवाद साधला होता.