भोसरी रुग्णालयाच्या खासगीकरणाविरोधात मोर्चा

भोसरी- भोसरी रुग्णालय खासगीकरणाला विरोध करत भाजपचे नगरसेवक रवी लांडगे यांच्या नेतृत्वाखाली भोसरीत गुरुवारी 28 रोजी महामोर्चा काढण्यात आला. या मोर्चामुळे भोसरीत महापालिक ा प्रशासनाविरोधी लाट तयार झाली आहे. त्याचा महापालिका प्रशासनाने चांगलाच धसका घेतला आहे. हा मोर्चा काढणार असल्याचे समजताच पिंपरी-चिंचवड महापालिकेच्या वैद्यकीय विभागाने या रुग्णालयात पालिकेचे बाह्यरुग्ण विभाग सुरू करण्याचा निर्णय घेतला आहे. या रुग्णालयाचे कोणत्याही परिस्थितीत खासगीकरण होऊ देणार नाही. सत्तेत भाजप असले तरी भाजपच्या चुकीच्या क ामाला माझा विरोध कायम राहिल, अशी भूमिका नगरसेवक रवी लांडगे यांनी पत्रकार परिषदेत मांडली.