पिंपरी-चिंचवड शहरात दररोज 15 हजारांहून अधिक गरजू लोकांना जेवण

पिंपरी - देणाऱ्याने देत जावे..घेणाऱ्याने घेत जावे. घेता घेता एक दिवस.. देणाऱ्याचे हात घ्यावे अशी जीवनकवी विंदा करंदीकर यांची सुपरिचित कविता आहे. सध्या त्याचीच सर्वत्र अनुभूती येत आहे. शहरातील अनेक सामाजिक आणि स्वयंसेवी संस्था दररोज सुमारे 15 हजारांहून अधिक गरजू आणि गोरगरीब लोकांना जेवण पुरविण्यासाठी धडपडत आहेत. त्यासाठी खास काही ठिकाणी 'कम्युनिटी किचन' देखील तयार करण्यात आली आहेत.