शासनाच्या आदेशानुसार कर्मचाऱ्यांचे वेतन

संभ्रमावस्था दूर; दोन टप्प्यात दिली जाणार रक्कम

पिंपरी – महापालिका कर्मचाऱ्यांचा गेल्या चार दिवसांपासून लांबलेल्या वेतनाबाबत आज (शनिवारी) अंतिम निर्णय घेण्यात आला. शासनाच्या आदेशानुसारच वेतन दिले जाणार असून, वर्ग एक व दोनच्या कर्मचाऱ्यांना 50 टक्के, वर्ग तीन 75 टक्के तर चतुर्थ श्रेणीच्या कर्मचाऱ्यांना शंभर टक्के वेतन दिले जाणार आहे. आरोग्य आणि वैद्यकीय विभागात कार्यरत असलेल्या कर्मचाऱ्यांना उर्वरित वेतन घेण्यासाठी शासनाकडे प्रस्ताव पाठविण्यात आल्याची माहिती प्रशासन विभागाचे सहायक आयुक्त मनोज लोणकर यांनी दिली.