आमदार जगतापांची पोलिसांना मदत, संपूर्ण चेहरा झाकणारे ७०० विशेष मास्क केले वाटप

पोलिस बांधव कोरोना लढाईत धोका पत्करून काम करत आहेत. नागरिकांच्या संपर्कात आल्यामुळे काही पोलिसांना देखील कोरोनाची लागण होऊ लागल्याची प्रकरणे समोर येत आहेत. त्यामुळे पोलिसांना चांगली सुरक्षा साधने देण्याची आवश्यकता आहे. हीच बाब ओळखून आमदार लक्ष्मण जगताप हे पिंपरी-चिंचवड पोलिसांच्या मदतीला धावून गेले आहेत. आमदार जगताप यांनी पोलिसांना संपूर्ण चेहरा झाकणाऱ्या विशेष मास्कची मदत दिली आहे. सुमारे ७०० विशेष मास्क पिंपरी-चिंचवड पोलिस आयुक्तालयाकडे सुपूर्त करण्यात आले.