स्वत:हून मिटर रिडींग घेण्यात राज्यात पुणेकर ठरले स्मार्ट

पुणे : महावितरणच्या आवाहनाला प्रतिसाद देत राज्यातील तीन लाख 63 हजार वीजग्राहकांनी पोर्टल व मोबाईल ऍपद्वारे गेल्या महिन्याचे (एप्रिल) स्वतःहून मीटर रिडींग पाठविले आहे. त्यामध्ये पुणे परिमंडलातील सर्वाधिक 69 हजार 912 तर त्यापाठोपाठ कल्याण परिमंडलातील 58 हजार 210 वीजग्राहकांचा समावेश आहे. त्यामुळे राज्यात स्वत:हून मिटर रिडींग घेण्यात पुणेकर स्मार्ट ठरले आहेत.