‘चर्‍होलीतील कृत्रिम पाणीटंचाईचा प्रश्न सोडवा; अन्यथा हंडा मोर्चा काढणार’

एमपीसी न्यूज – चर्‍होली, वडमुखवाडी, लक्ष्मी नारायणनगर कॉलनी या भागांत कमी दाबाने व अनियमित पाणीपुरवठा होत आहे. गेल्या दोन महिन्यांपासून सुरू असलेल्या या कृत्रिम पाणी टंचाईमुळे परिसरातील नागरिक वैतागले आहे. ही समस्या तातडीने न सोडविल्यास पालिका भवनावर हंडा मोर्चा काढण्याचा इशारा, राष्ट्रवादी काँग्रेसच्या नगरसेविका विनया तापकीर यांनी दिला आहे. 

उद्योगनगरीतील शक्तिपीठे

नवरात्रोत्सवात देवीच्या मंदिरांकडे भाविकांची पावले वळू लागली आहेत. अगदी सातारा, सांगली, पुणे, सोलापूर येथील भाविक शहरात येतात. पिंपरी-चिंचवडच्या चारी बाजूंच्या तटबंदीवर देवीने संरक्षक म्हणून असावे, या मोरया गोसावींच्या सुप्त इच्छेपायी त्यांनी शहरात चारही दिशांना देवीची मंदिरे स्थापली आहे. या देवी शहराचे संरक्षण करतात. अशी भाविकांची गाढ श्रद्धा आहे.

संपूर्ण शहरासाठी एकच आराखडा

राज्यातील सर्व शहरांच्या मूळ आणि विस्तारित हद्दीच्या विकास आराखड्यात (डीपी) सुधारणा करताना यापुढील काळात सर्व क्षेत्रासाठी एकत्रितच आराखडा तयार केला जावा, असे स्पष्ट आदेश राज्य सरकारच्या नगरविकास विभागाने सर्व महापालिका आणि नियोजन प्राधिकरणांना दिले आहेत. त्यामुळे, मूळ हद्द किंवा सुधारित हद्दीचा आराखडा सुधारित करण्याची प्रक्रिया सुरू करताना संपूर्ण हद्दीच्या नियोजनाच्या दृष्टीने दोन्ही भागांची प्रक्रिया एकत्र राबविण्यात यावी, अशा सूचना देण्यात आल्या आहेत.

मतदार याद्यांच्या कामात सहकारी गृहसंस्थांची मदत

पुणे : निवडणूक आयोगाच्या आदेशानुसार जिल्ह्य़ात मतदार यादी पुनर्परीक्षण कार्यक्रम सुरू करण्यात आला आहे. या कार्यक्रमांतर्गत मतदार नोंदणी, नावातील दुरुस्ती आणि नावे वगळणे ही कामे करण्यात येत आहेत. या कामासाठी पुणे आणि पिंपरी-चिंचवडमधील सहकारी गृहनिर्माण संस्थांचे अध्यक्ष, सचिव यांना मतदान केंद्रस्तरीय स्वयंसेवक म्हणून घोषित करण्यात आले आहे.

पुणे शहर ठरले भारतातील पहिले लाईटहाउस शहर

पुणे- अर्बन मोबिलिटी लॅबसाठी पुण्याला भारतातील पहिले लाइटहाउस शहर म्हणून निवडले गेले आहे. रॉकी माऊंटन इंस्टिट्यूट (आरएमआय) आणि एनआयटीआय या आयोगाने केलेल्या सर्वेक्षणानुसार पुण्याला अर्बन मोबिलिटी लॅबसाठी भारतातील पहिले लाइटहाउस सिटी म्हणून निवडले गेले आहे.

केंद्राचे नियम लागू झाल्यास ऑनलाइन औषध विक्रीला मोकळे रान

पिंपरी - केंद्र सरकारने ऑनलाइन फार्मसी (ई-फार्मसी) संदर्भात प्रकाशित केलेले नियम लागू झाल्यानंतर ऑनलाइन औषध विक्रीला खुले रान मिळणार आहे. त्यामुळे किरकोळ औषध विक्रेत्यांसमोर बेरोजगारीचे संकट उभे ठाकणार आहे. ऑनलाइन औषध विक्रीमुळे कोणतीही औषधे सहजगत्या एका फोनवर उपलब्ध होणार आहे. त्यामुळे गर्भनिरोधक गोळ्या, नार्कोटिक औषधे ऑनलाइन मिळाल्यास त्याचा युवा पिढीच्या आरोग्यावर गंभीर परिणाम होऊ शकतो. 

एसटी महामंडळात चालक-वाहकांसाठी 'ग्रंथालय आपल्या दारी'

पिंपरी : वाचन चळवळीला गती मिळावी, या उद्देशाने एसटी महामंडळात चालक, वाहक आणि कामगारांसाठी 'ग्रंथालय आपल्या दारी' हा नावीन्यपूर्ण उपक्रम सुरू करण्यात आला आहे. वाचन प्रेरणा दिनाचे औचित्य साधून हा उपक्रम पहिल्यांदाच सोहम सार्वजनिक वाचनालय व ग्रंथालय यांच्यातर्फे हाती घेण्यात आला आहे.