केंद्राचे नियम लागू झाल्यास ऑनलाइन औषध विक्रीला मोकळे रान

पिंपरी - केंद्र सरकारने ऑनलाइन फार्मसी (ई-फार्मसी) संदर्भात प्रकाशित केलेले नियम लागू झाल्यानंतर ऑनलाइन औषध विक्रीला खुले रान मिळणार आहे. त्यामुळे किरकोळ औषध विक्रेत्यांसमोर बेरोजगारीचे संकट उभे ठाकणार आहे. ऑनलाइन औषध विक्रीमुळे कोणतीही औषधे सहजगत्या एका फोनवर उपलब्ध होणार आहे. त्यामुळे गर्भनिरोधक गोळ्या, नार्कोटिक औषधे ऑनलाइन मिळाल्यास त्याचा युवा पिढीच्या आरोग्यावर गंभीर परिणाम होऊ शकतो.