शहरात बोकाळले "ओपन बार'

शहरात बोकाळले "ओपन बार' पिंपरी - शहरात "ओपन बार' बोकाळले आहेत. बिअर शॉपी आणि मद्य दुकानांच्या (वाइन शॉप) बाहेर आणि काही चायनीज हातगाड्यांवर सायंकाळ होताच हे बेकायदा बार ऐन वर्दळीच्या रस्त्यावर सुरू होत असून, हे बार महिलांच्या दृष्टीने तापदायक ठरत असल्याने ते त्वरित बंद करण्याची मागणी होत आहे. 
पुणे-मुंबई महामार्गावरील पिंपरी चौकात या "ओपन बार'मुळे तेथून महिलांना ये-जा करणेही दुरापास्त झाले आहे. तेथे दिवसाही वाइन शॉपच्या बाहेर मद्यपी दारू पीत बसलेले दिसून येतात. तेथे सायंकाळ होताच खुले मद्यालयच भरते. त्यांना पाणी, सोडा, ग्लास, शीतपेय वाइन शॉपमधून उपलब्ध करून दिली जातात. हा बार रात्री उशिरापर्यंत सुरू असतो. तेथेच पीएमपीचा बसथांबा व रिक्षाथांबा आहे. तेथील महिला प्रवाशांना या बारचा व तेथील मद्यपींचा त्रास होतो